-->
Browsing Category " Kalusugan "

5 Pagkakamali na sumisira sa sa collagen ng balat mo

 Nangungunang 5 Pagkakamali na sumisira sa sa collagen ng balat mo


1. Labis na direktang pagkakabilad sa araw - ang araw ang numero unong kalaban ng ating balat. Kapag ang UV rays ay tumagos sa balat, pinasisigla nito ang mga enzymes na tinatawag na matrix metalloproteinases na sumisira at nagpapabagal sa produksyon ng collagen.

2. Kulang sa tulog - ito ay sa panahon ng pagtulog na ang ating katawan ay gumagawa ng growth hormones na nagpapasigla ng cell turnover at collagen production.

3. Talamak na stress - ang pangmatagalang stress ay magpapataas ng iyong antas ng cortisol. Ito ay kilala bilang stress hormone.

4. Mataas na pagkonsumo ng asukal.

5. Paninigarilyo o vaping - tinitrigger nito ang release of matrix metalloproteinases that destroy collagen.


Kaya bago pa kayo mag skin care. Importante to also take a look at your life style. 


Pinagmulan: @kilimanguru (sundan sa Instagram)


Mungkahing Basahin:

Mga Pagkaing Pampatalino (Brain Foods)

 

Mga Pagkaing Pampatalino

Mga Pagkaing Pampatalino (Brain Foods)

Payo Ni Doc Willie Ong


May mga pagkain na posibleng makatulong sa pagiging healthy ng ating utak. Kapag sapat sa bitamina at nutrisyon ang iyong pagkain, mas magiging matalas ang iyong pag-iisip at memorya kumpara sa mga taong hindi kumakain nito.

Alamin natin itong mga tinaguriang “brain foods”:

  1. Mani – Ang mani ay may taglay na vitamin E at good fats. Ayon sa pagsusuri, kapag mataas ang lebel ng vitamin E sa iyong katawan, mas matalas din ang iyong pag-iisip. May tulong din ang mani para sa memorya. Puwedeng kumain ng nilagang mani, kasoy at walnuts. Huwag lang piliin ang pritong mani na may maraming asin. Limitahan din ang pagkain ng mani sa isang dakot lamang (30 grams) dahil mataas din ito sa calories.
  2. Matatabang isda (oily fish) – Ang mga oily fish ay ang tuna, tilapia, salmon, sardinas, tamban at taba ng bangus. May taglay itong omega-3 fatty acids na nagpapaganda ng daloy ng dugo. Dahil dito, mababawasan ang tsansang magkaroon ng sakit sa stroke at atake sa puso. Subukang kumain ng 4 ounces ng isda tatlong beses kada linggo.
  3. Itlog – Ang itlog ay mataas sa choline, isang kemikal na kailangan ng mga bata para mag-develop ang kanilang utak at memorya. Mataas din sa vitamin A, iron at folate ang itlog. Puwedeng pakainin ang bata ng 1 itlog bawat araw. Ngunit kung ikaw ay may sakit sa puso o mataas ang kolesterol, limitahan ang pagkain ng itlog sa 3 itlog bawat linggo.
  4. Kape – Makatutulong ang kape para maiwasan ang Alzheimer’s disease at panghihina ng ating isipan. May sangkap na antioxidants at caffeine ang kape. May tulong din ang kape sa pag-memorya ng iyong inaaral pero panandalian lang ang epekto nito. Puwedeng uminom ng 1 o 2 tasang kape sa maghapon. Huwag din sosobrahan at baka bumilis ang pagtibok ng iyong puso. At sana ay huwag nang lagyan ng whip cream at full cream milk ang kape para hindi nakatataba.
  5. Abokado – Ang abokado ay mayaman sa vitamin B at healthy fats (monounsaturated fats) na nagpapaganda ng daloy ng dugo sa utak. May mga pagsusuri sa hayop na nagpapakita na ang abokado ay nakababawas sa stroke at nakakababa ng blood pressure.


Pinagmulan: @docwillieong


Paano maiiwasan ang paputol-putol na tulog?

 Paano maiiwasan ang paputol-putol na tulog?

1. Wag uminom ng matatapang na kape 6 oras bago ka matulog, o kahit na anong inumin na mataas ang nilalamang caffeine, ang caffeine ay nagtatagal sa katawan ng 5 hanggang 6 na oras, hinaharang nito ang pagkapit ng adenosine sa utak, importante ang adenosine na kemikal para umayos ang tulog.

2. I-limit sa isang baso o 250 ml ng tubig lang ang inumin 30 minuto bago ka matulog dahil ang urinary bladder o pantog ay may average capacity lamang na 500 ml para maiwasan yung pabangon-bangon para umihi, dapat konti lang ang iniinom na tubig bago matulog,

3. Iwasan ang heavy meal bago matulog, heavy meal ay yung parang masusuka ka na sa sobrang busog, kung ipipilit mo kumain ng heavy meal bago matulog, kailangan mo mag antay ng 4 na oras bago humiga at matulog, maliban sa umiiwas tayo sa acid reflux, pag nag heavy meal ka kasi, tumataas ang metabollic rate, ibig sabihin tataas ang core body temperature mo, pag nangyari ito mabablock ang release ng melatonin (ang ating sleep hormone), ideally kasi kailangan mababa ang core body temperature para derederetso ang tulog. Kung ginawa mo naman lahat pero paputol-putol pa rin ang tulog mo, magpakonsulta ka na sa sleep specialist kasi baka may iba ka palang sakit.


Pinagmulan: @kilimanguru


Mungkahing Basahin:

Nababawi ba ang tulog?

 Nababawi ba ang tulog?


Kung kailangan mo ng 7 oras na tulog pero 3 oras lang ang tulog mo ngayon, mababawi mo ba yun pag 11 oras ka naman matutulog bukas? Hindi.


Ayon sa research nina Kitamura noong 2016, kung kulang ka ng 1 oras na tulog, kailangan mo ng 4 na araw para mag-recover. So, kung 7 oras ang kailangan mo, pero 3 oras lang tulog mo ngayon, ibig sabihin kulang ka ng 4 oras. So, para mabawi mo ang 4 hours, kailangan mo ng 16 araw ng buong pagtulog para mabawi yun. 


Importanting mag-takda ng mahigpit at pare-pareho ang iskedyul sa pagtulog para hindi masira ang body-clock o circadian rhythm natin. Kahit anong oras ka pa matulog, 10pm man yan o 1am, ang mahalaga ay strikto ka sa pagsunod ng oras ng pagtulog mo, wag pabago-bago. 


Kailangan maayos ang circadian rhythm natin para hindi nalilito ang katawan natin kung kailan ba dapat magpakawala ng hormones. Kung paiba-iba tayo ng iskedyul ng pagtulog, maaaring magkaroon tayo ng hormonal imbalance na nakakaapekto sa immune system natin. 


Kung madalas ay kinakailangan mong isakripisyo ang tulog mo at hindi mo na kayang maging productive, its time to re-evaluate if you are still in the right place. May mga iba na kaya maging efficient kahit kulang ang tulog, at kung ikaw hindi mo kaya, thats ok, it doesn't mean you are weak, it just means na hindi ka compatible with your environment.


Pinamgmulan: @kilimanguru


Mungkahing Basahin:

Nangungunang 4 na dahilan kung bakit nagkakabato sa apdo

 Nangungunang 4 na dahilan kung bakit nagkakabato sa apdo


1. Masyado kang mabilis pumayat - pag higit sa 1.5 kilo kada linggo ang ang nababawas sa timbang mo, mahinang diskarte ng pagpapababa ng timbang ito. Kapag mabilis ka pumayat, maaari o pwede kang mag weight cycling. Weight cycling ay pag hindi mo na mapanatili ang iyong malusog na timbang. Sa isang buwan 65 kilos ka tapos sa sunod na buwan 70 kilos ka, tapos 75 kilos ulit sa sunod na buwan, taps nag crash diet ka at naging 70 kilos tapos 75 uli sa sumunod na buwan. Ang parehong mabilis na pagbaba ng timbang at weight cycling ay magpapataas ng iyong panganib na magkaroon ng gallstones or bato sa apdo.


Ano ang ligtas na pagbaba ng timbang? 0.45 kilo hanggang 0.9 kilo kada linggo.


2. Ang pagbubuntis ay nagpapataas din ng panganib na magkaroon ng gallstones - ito ay dahil habang buntis ka tumataas ang antas ng progesterone at ang progesterone ay binabawasan ang pag-ikli o pag-urong (contractions) ng gallbladder (apdo) kaya naiipon ang bile sa loob ng gallbladder. Upang mapababa ang panganib ng gallstones sa panahon ng pagbubuntis, kumain ng high fiber diet, pag-iwas sa saturated fat at pagbawas ng konsumo sa sugar at refined carbohydrates.


3. Genetics - pag may family history ka ng gallstone, maaaring may namana kang genetic abnornmality na nagpapataas ng panganib na magkaroon ka ng gallstones.


4. May ilang mga gamot na pwedeng magpataas ng panganib na magkaroon ka ng gallstones katulad ng mga gamot na may estrogen, fibrates, at somatostatin analogs.


Pinagmulan: @kilimanguru


Mungkahing Basahin:

Sapat na ba ang 4 to 6 oras na tulog kada araw?

 Sapat na ba ang 4 to 6 oras na tulog kada araw?


Kung ikaw ay isang NSS o Natural Short Sleeper (mga isang porsyento lang ng populasyon ang meron nito) , sapat na ang 4 hanggang 6 na oras ng tulog.


Sa pangkalahatan, ilan ba ang inirerekomenda para masabing sapat ang tulog, nakadepende yan sa edad, sa mga 

sanggol o musmos (infant) - 12 hanggang 16 oras na tulog

paslit (toddler) - 11 hanggang 14 oras na tulog

pre schooler (3 - 6 taong gulang) - 10 hanggang 15 oras na tulog

school age (6 - 12 taong gulang) - 9 hanggang 12 hours na tulog

tinedyer - 10 - 12 oras na tulog

nasa hustong gulang (adult) - 7 oras


Bakit kailangang 7 oras sa Adult?


Pag natutulog tayo, meron kasi tayong tinatawag na Sleep Cycle, sa isang cycle (ikot) meron itong 4 stages (mga yugto) at para makumpleto ang isang cycle kailangan ng 90 hanggang 110 minuto pero ilang sleep cycles ba ang kailangan para mapapanariwain at manumbalik ang kalusugan ng katawan? 


Katampatang 4 cycles


Sa isang cycle ay merong 4 na yugto, ano ba yung 4 na yugto ng tulog?

1. Unang yugto - ito yung mababaw na tulog, 1 hanggang 7 minuto per cycle (bawat yugto)

2. Pangalawang yugto - ito yung malalim na tulog, 10 hanggang 25 minuto per cycle

3. Pangatlong yugto -  ito yung pinakamalalim na tulog, 20 hanggang 40 minuto per cycle at dito sa yugto na ito ng tulog nagaganap ang slow-wave sleep kung kailan ang katawan natin ay nagkukumpuni at gumagawa ng mga buto at kalamnan at nagpapalakas ng immune system.

4. Pang-apat na yugto -ito yung tinatawag na Rapid eye movement o mabilis na paggalaw ng mata na yugto ng tulog. Sa yugtong ito ang, ang aktibo lang ay ang muscle ng mata na gumagalaw ng side to side ay syempre yung muscle natin sa paghinga pero yung muscles natin sa mga braso at binti ay paralisado, hindi natin maigalaw, ito yung paliwanag ng sleep paralysis. May mga panahon kung kailan nagigising tayo sa kalagitnaan ng atin tulog, kung nagising tayo sa gitna ng Stage 1, 2, 3, walang sleep paralysis na magaganap pero kung minalas ka at magising ka sa gitna ng stage 4 duon ka makakaranas ng sleep paralysis. Ayon sa mga pananaliksik, pag ikaw ay may chronic sleep deprivation (talamak na kawalan ng tulog) o pagkawala ng tulog sa nakasanayang 7 oras.


Ito ay maaaring humantong sa mas mataas na panganib ng mga sumusunod na sakit:

1. Obesity

2. Diabetis

3. heart disease

4. high blood pressure

5. anxiety symptoms

6. depressed mode

7. excess alcohol drinking at 

8. mahinang immune system


Pinagmulan: Instagram/kilimanguro


Mungkahing Basahin:

Masakit ang Lalamunan

 Masakit ang Lalamunan (Sore Throat Home Remedy)

Payo ni Doc Willie Ong


Karamihan sa sore throat ay hindi naman nakapipinsala at kusa rin nawawala sa loob ng 5 hanggang 7 araw.


Subukan ang mga sumusunod:

1. Doblehin ang pag-inom ng likido gaya ng tubig, juice, tea at maligamgam na sabaw. Makatutulong ito para mapanatiling malabnaw ang plema at madaling ilabas. Iwasan ang kape at alak.

2. Magmumog ng tubig na may asin. Paghaluin ang kalahating kutsaritang asin sa isang baso ng maligamgam na tubig at imumog. Makatutulong ito para guminhawa ang lalamunan at maalis ang plema.

3. Subukan ang lozenges o candy para sa sore throat.

4. Ipahinga ang boses. Kung naapektuhan ng sore throat ang iyong pagsasalita ay maaaring humantong sa iritasyon at pansamantalang pagkawala ng boses.

5. Ang pagdagdag sa moisture ng hangin ay makatutulong na maging basa ang sinus at mucous membrane. May humidifier na nabibili o pwede din ang steam inhalation.

6. Iwasan ang usok at polusyon. Ang usok ay nagpapa-irita sa sore throat. Itigil rin ang paninigarilyo.

Para maiwasan ang sore throat:

1. Madalas na maghugas ng kamay o gumamit ng alcohol na panlinis ng kamay kung may sipon at trangkaso.

2. Iwasan ang paghawak sa ilong at bibig para maiwasan makakuha ng mikrobyo.


Kumonsulta agad sa doktor kung:

1. Hirap o masakit lumunok o huminga.

2. Paninigas ng leeg at sobrang pananakit ng ulo.

3. Mataas na lagnat.

4. Rashes.

5. Pauli-ulit na pamamalat o mouth ulcer.


Pinagmulan: instagram/docwillieong


Mungkahing Basahin: