On

 Ano ang pwedeng ikaso sa taong nagbabantang ipakalat ang sex video niyo ng ex mo?


Atty., may tao pong gustong mag blackmail sa akin gamit ang video naming sexual through video call ng ex ko. Hindi ko po alam kung sino ang taong may hawak o gustong ipagkalat ang video. Ano pong pwede ikaso?


Unang-una, paano nakuha ng blackmailer ang sex video niyo? Binigay bang ex mo o ninakaw niya?


Kung shinare ng ex mo ang sex video ng walang pahintulot mo, mananagot siya para sa paglabag ng Anti-Photo and Video Voyeurism Act of 2009 or RA 9995.


Kapag nahatulang may sala, makukulong siya ng 3-7 years at pagmumultahin ng 100k-500k pesos.


Hindi lang yan, maaari rin siyang managot para sa Gender-based Online Sexual Harassment sa ilalim ng RA 11313 o Safe Spaces Act na ipinagbabawal ang pag-share ng sex video o photo ng isang tao ng walang pahintulot niya.


Kapag nahatulang may sala, makukulong siya ng 2 years 4 months at 1 day hanggang 4 years at/o pagmumultahin ng 100k-500k pesos.


Kung ninakaw ng blackmailer ang sex video niyo, mananagot siya para sa paglabag ng Cybercrime Prevention Act o RA 10175 na ipinagbabawal ang illegal access o interception kung nang-hack siya ng computer.


Kapag nahatulang may sala, makukulong siya ng hanggang 12 years at/o pagmumultahin ng 200k paitaas depende sa pinsala.


Mananagot din siya para sa Grave Threats sa ilalim ng Article 282 ng Revised Penal Code kung nagbanta siyang isisiwalat ang sex video kapag hindi ka tumupad sa kondisyon

niya, halimbawa na magbigay ng pera.


Kapag nahatulang may sala, makukulong siya at/o pagmumultahin pero yung haba ng kulong o laki ng multa ay depende sa kung tumugon ka sa kondisyon.


Kung agaran ang banta niyang isiwalat ang sex video kapag hindi ka tumupad sa kondisyon niya, Grave Coercion yan sa ilalim ng Article 286 ng Revised Penal Code.


Makukulong ng 6 months to 6 years at pagmumultahin ng hanggang 100k pesos ang mahahatulang may sala.


Kapag shinare ng blackmailer ang sex video, mananagot at mapaparusahan siya tulad ng ex mong nagshare ng sex video ng walang pahintulot.


Pinagmulan: @attytonyroman (instagram)


Mungkahing Basahin: