On
Ang Bundok Pulag ang ikatlong pinakamataas na tuktok sa Pilipinas, at pinakamataas sa isla ng Luzon. Matatagpuan ito sa kabundukan ng Cordillera, sa pagkikita ng mga hanggahan ng mga lalawigan ng Benguet, Ifugao, at Nueva Vizcaya. May taas itong 2922 m. Klasipikado ito bilang isang ultra prominent peak.


Bílang paboritong akyatin ng mga mountaineer, may apat na landas patungo sa tuktok: ang Ambangeg, Akiki, at Tawangan Trail mula sa Benguet, at ang Ambaguio Trail mula sa Nueva Vizcaya. Maaaring matanaw mula sa rurok ang kalakhan ng Hilagang Luzon.


Ipinahayag ang isang bahagi ng Pulag bílang Pambansang Parke noong 1987 upang mapangalagaan ito laban sa pagtotroso, pangangaso, pagsakop ng agrikultura, at pagdagsa ng turista.


Matatagpuan sa bundok ang isa sa pinakamayamang biodiversity sa bansa, at naninirahan dito ang ilang nanganganib na uri ng hayop. Matatagpuan din sa bundok, sa bayan ng Kabayan, Benguet, ang mahigit-kumulang 50 libingang-yungib ng mga sinaunang Ibaloi. Sa pamamagitan ng Presidential Decree No. 734, ang mga kuweba ay kinikilalang mga Pambansang Yamang Kultural.


Pinagmulan: NCCA Official | Flickr


Mungkahing Basahin: