On
Ang Ilog Magat ang pinakamalaking sangay ng Ilog Cagayan, na siyang pinakamahaba at pinakamalaking ilog sa buong bansa.


Matatagpuan ito sa Lambak ng Cagayan, may haba itong 150 km at nagsisimula sa kabundukan ng gitnang Cordillera sa lalawigan ng Nueva Vizcaya, at umaagos pahilaga hanggang sumanib ito sa Ilog Cagayan.


Ang river basin ng Ilog Magat ay bumubuo sa sangkalima ng buong lawak ng saklaw ng Ilog Cagayan.


Matatagpuan sa Ilog Magat ang Dikeng Magat (”Magat Dam” sa Ingles), na itinayo mula 1975 hanggang 1982 sa pagitan ng bayan ng Alfonso Lista sa lalawigan ng Ifugao at bayan ng Ramon sa Isabela. Bahagi ang dike ng Magat River Integrated Irrigation System.


Ang Magat Reservoir na naiipon ng dike ay ginagamit bílang irigasyon at upang makalikha ng koryente. Sa taas na 114 m at habang 4160 m, ang Dikeng Magat ang isa sa pinakamalaking dike sa buong bansa at unang malaking multipurpose dam sa Timog-Silangang Asia.


Pinagmulan: NCCA Official | Flickr


Mungkahing Basahin: