On

Awol sa Trabaho 


Kailangan ba ng clearance para makuha ang huling sweldo ng empleyadong nag-AWOL?


Atty, tanong lang po kung tama yung ginawa ng agency ko sa akin? AWOL po kasi ako. Kailangan ko pa raw magpa-clearance bago ko makuha ang last sahod ko. Tama po ba yun?


Depende sa employment contract mo sa employer kung anong penalty kung nag AWOL o Absence Without Leave ka.


Pero kung walang nakalagay na penalty clause sa employment contract, ayon sa Article 116 ng Labor Code, bawal hindi ibigay ng employer ang sahod para sa natapos mong trabaho o serbisyo ng walang due process o hindi dumaan sa legal na paraan.


Sinabi rin ng Supreme Court sa Artiaga v. NLRC, ilegal ang hindi ibigay ang sahod sa employee para sa natapos niyang trabaho o serbisyo kahit pa may nagawa siyang paglabag.


Kadalasan, hindi bibigyan ng clearance kung may utang ka sa employer o company lalo na kung nagdulot ng financial liability ang pag-AWOL mo.


Pinagmulan: @attytonyroman (sundan siya sa Instagram)


Mungkahing Basahin: